Li Rojhilatê Kurdistanê Cejna Qurbanê bi Ala Kurdistanê û serdana gorên sehîdan hat pîroz kirin

PeyamaKurd - Li Rojhilatê Kurdistanê Cejna Qurbanê, bi serdana gorên şehîdên protestoyên Jîna Emînî, hilgirtina Ala Kurdistanê û cilûbergên Kurdî hate pîroz kirin.

Li bajarên Mihabad û Bokan ên Rojhilatê Kurdistanê, malbatên şehîdên şoreşa Jîna Emînî di Cejna Qurbanê de, bi bilindkirina alaya Kurdistanê serdana tirbên şehîdan kirin.

Îro di roja yekem a Cejna Qurbanê de, xelkê bajarê Mihabadê bi bilindkirina alaya Kurdistanê, kincên Kurdî û axabanî û hilgirtina wêneyên şehîdên şoreşa “Jîna”yê li ser tirba şehîdên şoreşa “Jîna”yê amade bûn.

 Li bajarê Bokanê jî, xelkê azadîxwaz û malbatên şehîdên şoreşa Jînayê, serdana tirba şehîdên serhildana bi diruşma ‘Jin Jiyan Azadî’ kirin. Li Bokanê azadîxwazan tirba şehîdan bi gulên rengîn wek alaya Kurdistanê xemilandin.