Çiyayê Merapi car din teqiya û der û dora çiya tehliye kirin

PeyamaKurd – Li Endonezyayê li Girava Javayê Çiyayê Merapiyê yê agirî ji nûh de teqiya, lavên çiya ji devê çiya difûrin û jîngehên li der û dora çiya ji terefê rayedaran ve hatin tehliyekirin. Jimara kesên tehliye kirin bi hezarî ne.

Serokê navenda pêşdebirina lêkolîn û teknolojiya afetên jeopolitik ya Endonezyayê Agus Budi Santoso ragihand ku lavên di encama teqînê de ji devê çiya derketine 2 km heya jêr hatine. Santoso, her weha got ku ewrê terafa agir li dora sed metre bilind bûye.

Çiyayê Merapiyê ji bajarê Yogyakartayê 30 km dûre, bilindahiya wê 3 hezar metreye û li dora bajêr 250 hezar kes dijîn.

Dema di sala 2010an de teqiyabû, bû bû sedema mirina 347 kesan û 350 hezar kes jî ji dora çiya tehliye kiribûn. Çiyayê Merapi di nava 120 çiyayên Endonezyayê yên agirî de, çiyayê herî bi hereket e.