Agirî | Cenazeyê sivanê 12 salî yê li ber lehîyê çûbû hat dîtin

PeyamaKurd - Zarokê 12 salî Alî Osman Eytemîş ku doh li Agiriyê bi lehiyê re çûbû û winda bûbû, cenazeyê wî îro 8 kîlometreyan dûrî cihê ku winda bûbû hat dîtin. 

Li gundê Dumanli yê Agiriyê, doh li demjimêr dor 18.00an piştî baraneke xurt lehî rabûbû û zarokê 12 salî Alî Osman Eytemîş ê li ber pez bû, li ber lehiyê çûbû.

Hat ragihandin ku îro cenazeyê Eytemîş di encama xebatên lêgerînê yên AFAD, cenderme û agirkujiyê  de, 8 kîlometre dûrî cihê winda bûye, hatiye dîtin.  

Cenazeyê Eytemîş rakirin morgê û dê îro ji aliyê malbata wî ve bê wengirtin û veşartin.