Li Diyarbekirê seva romana 'Serê Dawî yê General'  tê lidarxistin

PeyamaKurd- Ji bo romana nû ya nivîskarê navdar ê Kurd Jan Dost a bi navê "Şerê Dawî yê General" ku li ser jiyana Nemir Mele Mistefa Barzanî nivîsandiye, li Diyarbekirê şevek tê lidarxistin.

Kokteyla danasîna pirtûkê bi hevkariya Weşanxaneya DOZê û Kurdistan Chronicle, 20ê Kanûnê roja Şemiyê di navbera demjimêr 15:00 û 18:00’an de li Demir Otel a Diyarbekirê pêk tê.

Hozan Brader bi stranên xwe beşdar dibe

Di çarçoveya vê kokteylê de, dê li ser romana Jan Dost "Şerê Dawiyê yê General" axaftin bên kirin û Hozan Brader jî bi stranên xwe beşdarî bike.

Weşanxaneya DOZê û Kurdistan Chronicle, hemû hezkarên wêje û hunera Kurdî vexwendin şahî û danasîna pirtûkê.

Di vexwendnameya kokteylê de wiha hate gotin: “20ê vê mehê li Sûra Diyarbekirê, derbarê romana dawî ya bi navê Şerê Dawî Yê General a Jan Dost kokteyleke me heye. Herwiha Hozan Brader jî dê bi stranên xwe kokteyla me geş bike. Em dê bi hatina we kêfxweş bibin.”