Li Efrînê teqîn: Kesek hat kustin, 3 kes jî birîndar bûn

PeyamaKurd – Li bajarê Efrînê yê Rojavayê Kurdistanê ku ji 18ê Adara 2018an ve hatiye dagirkirin, îro Yekşemê teqînekê rû da.

Li gorî zanyariyên xwecihî teqîn demjimêr 12:00an li kolana Siyasiyê ya nava Efrînê çêbûye ku bombeyeke di otombîlekê de hatibû çandin hatiye teqandin.

Li gorî agahiyên destpêkê di encama teqînê de kesekî can daye û 3 kesên din jî birîndar bûne.

Ji dema Efrîn ji aliyê artêşa Tirkiye û komên çekdarên tundrew ve hatiye dagirkirin ve gelek bûyerên teqînan rû didin ku herwiha bûyerên kuştin, dizî, revandin û îşkencekirina xelkê sivîl jî bi destê komên çekdar berdewam e.