Civîna Nêçîrvan Barzanî û Erdogan dest pê kir...

PeyamaKurd - Civîna li Koşka Serokomariya Tirkiyê ya Serokê Herêma Kurdistanê Nêçîrvan Barzanî û Serokomarê Tirkiyê Recep Tayyip Erdogan dest pê kir.

Serokê Herêma Kurdistanê beriya bi Erdogan re bicive, tevî şanda bilind a Kurdistanê bi Wezîrê Derve yê Tirkiyê Mevlut Çavuşoglu re civiyabû.

Piştî civînê Serokatiya Herêma Kurdistanê ragihandibû ku li ser hejmarek babetan hatiye axaftin ku bi taybet li ser bihêzkirina pêwendiyên herdu aliyan di warê bazirganî û pirsên herêmê de hatiye rawestîn.

Şanda ligel Serokê Herêma Kurdistanê ji Serokê Dîwana Serokatiya Herêma Kurdistanê Fewzî Herîrî, Rêveberê Ofîsa Serokê Herêma Kurdistanê Kerîm Şingalî, Berpirsê Fermangeha Pêwendiyên Derve ya Herêma Kurdistanê Sefîn Dizeyî û Şêwirmendê Bilind ê Serokê Herêma Kurdistanê Felah Mistefa pêk tê.