Li Trabzonê êrîs li karkerên Kurd | Parêzgarî: Bi nistecihan re nîqas kirin

PeyamaKurd – Parêzgariya Trabzonê êrîşa li dijî karkerên Kurd weke "bi niştecihan re nîqaş kirin" bi nav kir.

Hat diyarkirin ku do li Taxa Esîroglû ya navçeya Maçka ya Trabzonê karkerên Kurd ên di înşaeta TOKÎyê de dixebitin rastî êrîşa çekdarî hatin.

Di êrîşa bi dar û keviran a li hemberî 6 karkerên ku li Agiriyê qeydkirî ne, karkerek ji milê wî hat derbkirin û 8 dirûn li serê karkerekî hatin xistin û milê karkerekî din jî derket.

Parêzgariya Trabzonê derbarê bûyera nîvê şevê de daxuyaniyek da.

Di daxuyanîya ku hat dayîn de komek karkerên înşaetê yên li Taxa Esîroglû ya navçeyê ji ber muzîka bilind a ku ji wesayîtê diçûn navenda bajêr bi welatiyan re nîqaş kirin. Êrîşa nijadperest a li Trabzonê li hin organên çapemeniyê hat kirin.”

Di daxuyaniyê de hat gotin, "Bi lezgîn ekîbên tenduristiyê û ewlehiyê sewqî cihê bûyerê hatin kirin, rageşî bi dawî bû" û ev agahî hatin dayîn:

“Ji ber ku pevçûn veguherî şer, 10 kesên ku ji her du aliyan bi sivikî birîndar bûn, bo nexweşxaneyên curbicur hatin veguhestin û di encama pişkinîn û dermankirinê de 8 kes piştî dermankirina derve û 2 kes jî piştî dermankirina nexweşxaneyê hatin derxistin. Lêpirsîna ku derbarê mijarê de hatiye destpêkirin berdewam dike.”