Li Kurdistanê embar û depoyên modern ji bo fêkî û sewze têne çêkirin

PeyamaKurd - Wezareta Çandinî ya Kurdistanê ragihand, wan wekî wezaret biryar daye li piraniya bajar û bajarokên Başûrê Kurdistanê embar û depoyên taybet bi hilgirtina fêkî û pincaran çêbikin.

Berdevkê wezareta Çandinîya Kurdistanê, Husên Heme Kerîm ji BasNewsê re gotiye, me biryar daye ku li piraniya bajar û bajarokên Kurdistanê imbar û depoyên modêrn yên hilbijartina fêkî û pincaran çêbikin.

Husên Heme Kerîm got, helbet embar û depoyên me hene lê him kêm in him jî zêde pêşketî nînin., loma me planek wisa danî.

Berdevkê wezareta çandiniyê da zanîn, bi zêdebûna embar û depoyên fêkî û pincaran cotkar jî zêdetir teşwîq dibin ku li ser karên xwe berdewam û rijd bin.