Çekdaran gule li xwepêsanderên dijî asayîbûna Enqere-Samê resand

PeyamaKurd – Li bajarê Babê yê Sûriyê ku di bin kontrola komên çekdarên opozîsyonê û artêşa Tirkiyê de ye, li dijî vekirina deriyê Ebû Zendên ê rojhilatê Helebê û asayîkirina têkiliyên Enqere-Şamê xwepêşandan hate lidarxistin.

Hate ragihandin ku di xwepêşandana nerazîbûnê ya xelkê Babê de, çekdaran gule li xwepêşandêran barand.

Li gorî ragihandina Navenda Çavdêriya Mafên Mirovan a Sûriyeyê (SOHR) xelkê Babê li dijî vekirina deriyê Ebû Zendên û siyaseta normalîzekirina têkiliyên bi Şamê re çalakiyeke protestoyî li dar xist.

Lê belê çekdarên bi navê "Polîsên Leşkerî" bi guleyan êrîşî ser girseyê kir ku nehatiye zanîn bê kuştî û birîndar hene yan na.