HDP: Divê Kurd tifaqekê çêbikin û bibin yek!

PeyamaKurd- HDPê ji bo hilbijartina 24ê Hezîranê lîsteya xwe ya namzetan teslîm kir û bang li partiyên Kurdan kir: “Werin em bibin yek!”

Hevseroka HDPê Pervin Buldan di derbarê mijarê de daxuyaniyek da û got; “Gelê Kurd dîtiye ku qedera Kerkûk, Efrîn, Şernex û Mehabadê bi hev ve girêdayî ye. Em careke dî bangî hemî birayên xwe dikin. Roj roja yekîtiyê ye, roj roja pêkanîna Tifaqa Kurdistanê ya Demokratîk e.

Buldan wiha berdewam kir: “Partiya me ji bo çareseriya pirsgirêka Kurdî her dem amade ye. Kesên ku pirsgirêka Kurdî nabînin, naxwazin pirsgirêkên Tirkiyê çareser bikin. Divê li Tirkiyê makezagoneke demokratîk were avakirin û rêvebiriyên herêmî werin pêkanîn.”