Di hefteyekê de 14 tirk hatin revandin û 72 kes jî hatin kustin

PeyamaKurd – Li welatê Afrîka Nîjeryayê di çend rojên dawî de her diçe hejmara revandina biyaniyan û kuştinan zêde dibe.

Hat zanîn ku di nav hefteyekê de, 72 kes ji aliyê komên çekdar ve hatine kuştin û ji 32 revandiyên hefteya dawî jî 14 ji wan hemwelatiyên Tirkiyê ne.

Polîsê Nîjerî îro ragihand ku ji bo 4 hemwelatiyên tirk operasyon dane destpêkirin.

Sererkanê Artêşa Nîjeryayê Tukur Buratai ragihand ku artêşa wan ji bo rêgiriya bûyerên kuştin û revandinan hesasîyeteke zêde nîşan dide, lê berevajî daxuyaniyê her diçe bûyerên kuştin û revandinê zêde dibin.

Li Nijeryayê piranî kesên têne revandin ji bo pere û fidyeyê têne revandin.

Hefteya borî jî li avên deryayê yên Nijeryayê rêbirî li keştiyeke tirk hatibû kirin û 10 karmendên wê hatibûn revandin.