Pasdarên Îranê dîsa kolberê Kurd dan ber guleyan û kustin

PeyamaKurd - Li bajarokê Bane yê Rojhilatê Kurdistanê, pasdarên rejîma Îranê careke din êrîşî kolberên Kurd kir û di êrîşa pasdarên Îranê de kolberek hat kuştin û hejmarek kolber jî birîndar bûn.

Li gorî agahiyan, doh danê êvarê pasdarên Îranê li zozana sînorî ya Hengejale ya bajarokê Bane komek kolber dan ber guleyan.

Hat ragihandin ku di wê êrîşê de kolberekî kurd bi navê Ferûdîn Salihî hat kuştin û çend kolber jî birîndar bûn ku navê wan nehatiye hîn bûn.