PDK û balyozê Amerîka hevdîtinekî pêkanîn

PeyamaKurd- Endamê polîtburoya PDKê Mehmûd Mihemed ku hem berdevkê partiyê ye, îro bi balyozê Amerîka yê Hewlêrê, bi Stivn Feygn û heyeta pêre hevdîtinekî pêkanî. Li gor agahiya KDP.info yê; mijara her dû aliyan avakirina hukumeta nû ya Kurdistanê û mijara Kerkûkê bû.

Têkiliyên navbera partiyên Kurdistanê û têgihîştina wan bi hevre hat gotûbêjkirin. Her dû alî li ser avakirina hukumetê û di çareserkirina pirsgirêkan bi awayeka bilez lihevkirin û bûn hemfikir.

Mijara xala 140 ya di destûra Iraqê de ku deverên li ser arîşe hene, hat girêdan bi çareserkirina têkiliyên navbera Hewlêr û Bexdayê ve ku divê her dû payîtext di nava xwe de, van mijaran çareser bikin. Kurdistaneka bihêztir daxwaza her dû aliyan bû ku dubare kirin.