Pistî 4 mehan masîneyên di bin asîtê de mabûn derketin ser rûyê erdê

PeyamaKurd – Maşîneyên ku di bin aşîta 4-5ê Sibatê de mabûn piştî çar mehan bi helîna berfê re derketin ser rûyê erdê.

Di bobelata aşîtê ya li navçeya Miksê ya bajarê Wanê de, 42 kesan can dabû û zêdetirî 100 kes jî birîndar bûbûn.

Bi zêdebûna germahiyê û helîna berfê re ji 4 maşîneyên kar ên di bin berfa aşîtê de mabûn, derketin ser rûyê erdê.

Maşîneyên kar ji bo rizgarkirina kesên di bin aşîtê de mabûn çûbûn cihê bûyerê û aşît bi ser wan de jî hatibû xwar ku hejmarek karkerên tîma rizgarkirinê jî di bin aşîtê de can dabûn.