Rejîma Îranê li Girtîgeha Kerecê girtiyekî kurd bi dar ve kir

PeyamaKurd –  Girtiyê kurd ê kirmaşanê Mortalî Karmî ku berê bi tohmeta “narkotîkê” cezayê darvekirinê lê hatibû birîn, li Girtîgeha Cezaya Navendî ya Kerecê hat sêdarekirin.

Li gorî raporeke ku gihîştiye Tora Mafê Mirovan a Kurdistanê,  ji bo hukmê sêdarekirina Mortalî Karmî pêk bê, ew roja 26ê cotmeha 2024an veguhestine hicreyeke yekkesî û doh (29ê cotmeha 2024an) jî bi destê sibehê re hatiye sêdarekirin. 

Heman rapor radigihîne ku Mortalî Karmî ji navçeya “Balavend”ê ya Kirmaşanê ye, nêzî 4 sal berê bi tometa “narkotîkê” hatiye girtin û cezayê bidarvekirinê lê hatiye birîn.

Her wiha heman rapor radigihîne ku wextê sêdarekirina Mortalî Karmî 2 girtiyên din jî li vê girtîgehê hatine sêdarekirin, lê heta niha derbarê nasnameya wan de tu agahî nehatine bidestxistin.