Rojnamevana Hollandî ji bo medya PKKê: Êdî nûçeyên derew çênekin

PeyamaKurd – Nûçeya medya PKKê ya di derbarê rojnamevana Hollandî Frederike Geerding de hat belavkirin, derew derket.  Rojnamevana Hollandî da zanîn: “Êdî nûçeyên derew çênekin.Vê nûçeya derew rakin. Car din jî nûçeyên derew neweşînin.”

Medya PKKê nûçeyek derew di derbarê PDKê de belav kir.  Rojnemevana Hollandî di Twittera xwe de ragihand û got, medya PKKê derew kiriye.

Li gor Medya PKKê di nûçeya xwe de îdia kirîbû, rojnemevana Hollandî Frederike Geerding ji aliyê PDKê ve hatiye girtin û sirûdên Tirkî jê re lê dane û ew mecbûr kirine guh bide van sirûda.

Rojnamevana Hollandî nûçeya derew a Ajansa Mezopotmaya wergirt û eşkere kir, kesekî min mecbûr nekiriye ku guh bidim sirûdên Tirkî û got: “Rewşek bi vî awayî nehatiye jiyandin. Êdî nûçeyên derew çênekin.Vê nûçeya derew rakin. Car din jî nûçeyên derew neweşînin.”

Piştî berteka Rojnamevana Hollandî, MA nûçeya derew rakir û bi vî awayî dijminahiya medya PKKê ya li dijî KDPê ku li derveyî seheyê dimeşîne ji aliyê wê rojnamevanê hat îfşakirin.