'Rûsya dixwaze hikûmeta Kurdistanê zû bê avakirin'

PeyamaKurd - Berdevka Wezareta Derve ya Rûsya Maria Zaxarova di civîna heftane ya rojnamevanî de bal kişand ser pêwendiyên dostane û dîrokî yên ligel Herêma Kurdistanê û got, Rûsya dixwaze hikûmeta Kurdistanê di zûtirîn demê de were avakirin.

Zaxarovayê behsa pêşeroja pêwendiyên welatê xwe ligel Herêma Kurdistanê kir û got, “Em hêvî dikin partiyên Kurd hemû bizavên xwe bikin daku di zûtirîn demê de hikûmeteke çalak û cihê baweriyê pêk bînin, bi awayekî ku karibe pirsgirêkên di navbera Hewlêr û Bexdayê de, çareser bikin.”

Maria Zaxarova herwiha da zanîn ku ew dê têkiliyên xwe yên siyasî bi serokatiya Herêma Kurdistanê re berdewam bikin.