Rêya Kerkûk-Hewlêrê vedibe

PeyamaKurd - Hikûmeta Iraqê û Herêma Kurdistanê di civîna îro ya li Bexdayê de, li ser vekirina rêya Kerkûk-Hewlêrê li hev kirin.

Şanda Hikûmeta Herêma Kurdistanê bo gotûbêjkirina çareserkirina kêşeya rêya Kerkûk-Hewlêrê li Bexdayê li gel hikûmeta Iraqê civiya.

Li gorî daxuyaniya piştî civîna îro ya li Bexdayê, şanda Hikûmeta Herêma Kurdistanê û hikûmeta Iraqê derbarê dubare vekiirina rêya Kerkûk-Hewlêrê de rêkevtin kirine.

Di daxuyaniyê de hatiye gotin ku her du aliyan li hev kirine ku rêya Kerkûk-Hewlêrê di zûtirîn demê de were vekirin.

Herwiha di civîna îro ya li Bexdayê de, her du aliyan biryar daye ku pireke hesin bi şêweyeke demkî jibo vekirina rêya Kerkûk-Hewlêrê bihê danîn û rasterast projeya çêkirina pira Pirdê jî destpê bike.