Wezareta Tendirustiyê: Hemwelatiyekî din bi Covid-19ê ketiye

PeyamaKurd - Wezareta Tendirustiyê ya Herêma Kurdistanê daxuyaniyek belav kir û ragihand ku hemwelatiyekî din jî tûşî Covid-19ê bûye.

Wezareta Tendirustiyê ya Herêma Kurdistanê di wê daxuyaniyê de ragihand ku ji 3219 kesan tenê 842 hemwelatî di karantînayê de ango di bin çavdêriya pizîşkî de ne.

Wezareta Tendirustiyê ya Kurdistanê diyar kir, “Hemwelatiyekî din tûşî virusa koronaya nû (Covid-19) bûye ku temenê wî 48 sal e û xelkê Tewêllê ye li parêzgeha Helebcê.”

Herwiha li gor daxuyaniya Wezareta Tendirustiyê, “Li Herêma Kurdistanê 28 kes tûşî Covid-19ê bûne, û kesek ji ber wê nexweşiyê miriye, kesek jî baş bûye û ew ên din jî di bin çavdêriya pizîşkî ne.”