Wezîrê Pêsmerge bi Wezîrê Berevaniyê yê Iraqê re civiya

PeyamaKurd – Wezareta Pêşmerge bi daxuyaniyekê diyar kir, Wezîrê Pêşmerge bi Wezîrê Berevaniyê yê Iraqê re, li ser hemahengiyên navbera her du wezaretan û mijara fakulteyên serbazî civiya.

Wezareta Pêşmerge ya Herêma Kurdistanê da zanîn, di civînê de Wezîrê Pêşmerge Şoriş Îsmaîl bi Wezîrê Berevanî yê Iraqê Cume Înad re, proseya fakulteyên serbazî û pêşvebirina asta zanistî ya wan navendên serbazî û encamdana rahênana hevbeş a Pêşmerge û artêşa Iraqê bi hev re, gotûbêj kirin.

Herwiha Wezareta Pêşmerge eşkere kir, ji bo parastina asayîş û seqamgîriya Herêma Kurdistanê û Iraq û navçeyê, her du aliyan tekezî li ser bihêzkirina zêdetir a hemahengiyên navbera Pêşmerge û artêşa Iraqê kirin.