Baroya Amedê: Delîlên kustina Tahir Elçî hatine tinekirin

PeyamaKurd - Baroya Amedê derbarê dosyeya Tahir Elçî de radigihîne ku delîl û belgeyên kuştina Serokê Berê yê Baroya Amedê Parêzer Tahir Elçî li ‎ser ‎sîstema elektronîk a UYAPê ya darazê hatine rakirin. Ji ber wê yekê dozger û dadger nikarin ‎xwe ‎bigihînin van delîlan.‎

Ligel vê yekê malbat û aktîvîstên mafên mirov tekez dikin ku derbarê kuştina Tahir Elçi de ti ‎lêpirsîneke cidî nehatiye kirin, niha jî delîlên ku dê bûyerê zelal bikin ji holê hatine rakirin, ji ‎ber vê yekê guman zêde dibin û Baroya Amedê jî daxwaza lêkolînên cidî dike.‎

Baro Başkanımız Tahir ELÇİ'nin Katledilişinin 193. Haftası Anma Etkinliği Diyarbakır Adliyesi Önünde Gerçekleştirildi...https://t.co/8Fy8IsSmqe pic.twitter.com/vvKhjo06gB

— Diyarbakır Barosu (@Diyarbakirbaro) September 13, 2019

Serokê Berê yê Baroya Amedê Tahir Elçî, 28ê Kanûna 2015an dema li ber Minareya Çarling a Sûra Amedê daxuyaniyeke çapemeniyê dida hat kuştin lê heya niha dosya kuştina Elçî di tariyê de ‎maye û nehatiye zelal kirin.‎

Mafnas û Parêzer ‎Tahir Elçi, sala 1966an li Cizîra Şirnexê ji dayîk bûye. Sala ‎1991ê Fakulteya Hiqûqê ya Zanîngeha Dîcle ya Amedê qedand‎. Ji sala 1992yan ve li Amedê dest bi parêzeriyê kir. Di salên ‎1998-2006 li Baroya Amedê wek berpirs kar kir. ‎2012yan weke serokê Baroya Amedê hatiye hilbijartin. ‎2014ê dîsan wek serokê baroyê hat hilbijartin. Di warê mafên mirov û hiqûqê de gelek xelatên girîng wergirtine.