Serok Barzanî pêswazî li Konsulê Almanya yê Hewlêrê kir

PeyamaKurd - Serok Mesûd Barzanî îro 25ê Tîrmehê pêşwazî li Konsulê Giştî yê Almanya li Hewlêrê Clemens Sementer kir ku ji ber bidawîhatina erkên wî û xatirxwastinê çûbû serdana Serok Barzanî.

Piştî hevdîtinê Baregeha Barzanî ragihand ku di civînê de, rewşa siyasî û pêşhatên dawî yên li Iraq û herêmê hatin gotûbêjkirin.

Konsulê Giştî yê Almanya li Hewlêrê spasiya hikûmet û sazî û dezgehên din ên Herêma Kurdistanê kir ku di heyama karê wî de, hevkar û alîkar bûne.

Konsulê Giştî yê Almanya li Hewlêrê herwiha amadehiya welatê xwe ji bo alîkariya Hikûmeta Herêma Kurdistanê di warên cuda û bi taybet di babeta çaksaziyê de nîşan da.