بڕیاری گرینگی کەنەدا سەبارەت بە فڕۆکە تێکشکاوەکەی ئۆکراینا
پەیامی کورد ... ووڵاتی کەنەدا بڕی ٢٥ هەزار دۆلارو ئیقامەتی هەمیشەیی دەداتە بنەماڵەی قوربانیانی فڕۆکە تێکشکاوەکەی ئۆکراینا کە بە دەستی ئێران کوژران
سەرۆکوەزیرانی کەنەدا ، جاستن ترۆدۆ ، بۆ بنەمالەی قوربانیانی ئێرانی کەنەدی ، نیشتەجێ بوونی هەمیشەیی و هەروەها بڕی ٢٥ هەزار دۆلاری بۆ دەستەبەر کردنی پێداویستییەکانی دابین دەکات
سەرۆکوەزیرانی کەنەدا لە پرێس کۆنفراسێکی گشتی دا ڕایگەیاند :
لە کەنەدا خەڵک پێکەوە کۆ بوونەوە تاکوو یادی قوربانیانی تێکشکانی فڕۆکە ئۆکراینییەکە بەرز ڕابگرن ، ئەمە ڕووداوێکی تراژێدی نەتەوەیی بوو .
- بۆ بنەماڵەی قوربانیان بڕە پارەیەک بۆ ئەنجامدانی کارەکانی شاردنەوەی خۆشەویستانیان دابین دەکەین و ئێران دەبی باجی ئەمە بدات
-هەر کەسێک پێویستی بە محامی بێت بۆ ڕاوێژ پیکردن ، بە بێ بەرامبەر ئەوە بۆی دەستەبەر دەکرێت .
- لەگەل بیمە بۆ پاڵپشتی کردن لە بنەماڵەی قوربانیان هەماهەنگی مان کردووە .
- لە چەند ڕۆژی داهاتوودا سەبارەت بە هەوڵەکانی دیکەمان هەواڵی گرینگ دەدەین و ڕایدەگەێنین
- وەزیری دەرەوەی ئێمە لەگەڵ بەرپرسانی ئێرانی لە پەیوەندی دایە و داواکاری ئەنجام دانی عەدالەتە بۆ قوربانیان
- هێرشی مووشەکی ئێران بۆ سەر بنکەکانی ئەمریکا لە عێراق هێزەکانی ئێمەشی خستە مەترسییەوە
- ئێمە لەگەڵ بنەمالەی قوربانیان چاوپێکەوتنمان ئەنجامداوە و پێویتییەکانیان لە بەرچاو دەگرین و پێداچوونەوەی بۆ دەکەین . بۆ ئێرانییەکان تێچووەکان و نرخەکان زۆر لە سەروەیە و بۆ هاوکاری ئەوان بڕی ٢٥ هەزار دۆلار دابین دەکەین و دەبێ ئێرانیش هەمان کار بکات .
- هێشتا پێداچوونەوەمان نەکردووە کە ئێران دەبێ چەند بە بنەماڵەی قوربانیان بدات .
- داواکاری لێکۆڵینەوەیەکی گشتی و باوەڕپیکراو سەبارەت بە تێکشکانی فڕۆکە ئۆکراینییە دەکەین و لە فشارەکانمان بۆ ئێران بەردەوام دەبین .
- هەروەها لە ووڵامی ئەوەی کە ئایا گەمارۆ دەخەنە سەر سوپای پاسداران ڕایگەیاند : لە ئێستادا هەموو هەست و بیری ئێمە لە لای بنەماڵەی قوربانیانە و سەربارەت بەم بابەتە دواتر قسە دەکەین .
ئێران دەبێ بەرپرسیارییەتی تەواوی تێکشکان و لەناو بردنی فڕۆکەکە بگرێتە ئەستۆی خۆی