حەشدی شەعبی ١٢ فەرمانی کاری بۆ فەرمانبەرانی خۆی دەرکرد
پەیامی کورد ... حەشدی شەعبی ١٢ فەرمانی کاری بۆ فەرمانبەرانی خۆی دەرکرد
ڕێکخراوی چەکداری عەشدی شەعبی فەرمانگەلێکی کاری بۆ فەرمانبەرەکان خۆی لە ژن و پیاوەوە دەرکرد .
بە پێی ڕاپۆرتێک لە زاری فۆرات ، ئەم فەرمانانە بریتی لە وێنەهەڵگرتن لە باڵەخانەی ئیداری حەشدی شەعبی و شێوەی جل لە بەرکردنی فەرمانبەرانی ژن و پیاو دەبێت .
فەرمانە دەرکراوەکان بەم شێوەیەی خوارەوەیە :
هەڵگرتنی وێنە لە ناوەوەی باڵەخانەی بەڕێوبەرایەتی حەشدی شەعبی لە تەلەفۆن قەدەغەیە و پێشێلکردنی بۆ کەسی پێشێلکرا ، پاشهاتی ئیداری و یاسایی بەدواوە دەبێت .
سەبارەت بە جل و بەرگی فەرمی فەرمانبەرانی ئیدارەی حەشدی شەعبی بپ پیاوان بەم شێوەیەی خوارەوە دەرکراوە :
لەبەرکردنی پانتۆڵی جین و کراسی خەت خەت قەدەغەیە .
لەبەرکردنی جل و بەرگێک کە هەڵگری ئاڵا و نووسراوەگەلی بیانی بێت قەدەغەیە .
چاککردنی قژی سەر بە فۆرمی ووڵاتانی ڕۆژئاوایی قەدەغەیە .
کوتانی تاتۆی بەرچاو قەدەغەیە .
لەبەرکردنی پێڵاو بە بێ گۆرەوی قەدەغەیە .
گرینگی پابەندبوون بە لەبەرکردنی جل و بەرگ بە ڕەنگەکانی سپی ، شینی ئاسمانی ، ڕەش ، شین و کەسک
وە هەروەها سەبارەت بە بەشەکانی ئەمنییەت ، دیزاین ، لۆژیستیکی و پاریزگاری ، بە شێوەی تایبەت جل و بەرگی سەربازی لەبەر بکرێت .
سەبارەت بە جل و بەرگی فەرمی فەرمانبەرانی ژن یش ئەم فەرمانانەی خوارەوە دەرکراوە :
لەبەرکردنی جل و بەرگی تەسک لە ەەر جۆرێکی و هەروەها جل و بەرگ بە ڕەنگی ڕوون قەدەغەیە .
مکیاژ کردن قەدەغەیە .
لەبەرکردنی جل و بەرگێک کە هەڵگری ئاڵا و نووسراوگەلێکی بێگانەیە قەدەغەیە .
پابەندی بە لەبەرکردنی جل و بەرگ بە ڕەنگی سپی ، نیلی ، ڕەش ، کەسک و شینی ئاسمانی .