لە قەرەباغ تێکهەڵچوونەکان دەستی پێکردەوە
پەیامی کورد ... لە قەرەباغ تێکهەڵچوونەکان دەستی پێکردەوە
لە هەرێمی ناگۆڕنۆ قەرەباغ جارێكی دیكە شەڕ لەنێوان سوپای ئازەربایجان و ئەرمینیا دەستیپێكردەوە.
ئەرمینیا رایگەیاند ئازەربایجان رێككەوتنی ئاشتی پێشێلكردووە كە بەر لە شەش هەفتە كۆتایی بە شەڕ هێنا لە هەرێمەكە.
بەرپرسان لە هەرێم قەرەباغ وتیان، سوپای ئازەری رۆژی هەینی هێرشیكردووە و بەهۆیەوە ٣ سەربازی ئەرمەنی بریندار بوون.
لای خۆیەوە ئیلهان عالیف سەرۆكی ئازەربایجان لە كۆبونەوە لەگەڵ نوێنەرانی ئەمریكی و فەرەنسی وتی: پێویستە ئەرمینیا زۆر وریابێت، پلان بۆ هیچ هەنگاوێكی سەربازی دانەنێت، ئەمە دەبێـتەهۆی وێرانبوونیان بە یەكجاری.
لە ماوەی ٤٤ رۆژی شەڕ لە كۆتایی ئەیلولی رابردوو ٥٦٠٠ كەس كوژران و سوپای ئازەری سەركەوتنی راگەیاند لە هەرێمەكە و ئەرمینیای ناچار بە رێككەوتنی كشانەوە كرد لە ناوچەكانی دیكەی هەرێمەكە.