وێستگەی ئەتۆمیی ئۆکراینا لە تۆڕی سەرەکی کارەبا دابڕاوە
پەیامی کورد... وێستگەی ئەتۆمیی ئۆکراینا لە تۆڕی سەرەکی کارەبا دابڕاوە
بەگوێرەی کاربەدەستانی ئاژانسی نێودەوڵەتی وزەی ئەتۆمی، وێستگەی ئەتۆمی ئۆکراینا لە تۆڕی سەرەکی کارەبا دابڕاوە و لە ئێستادا بە هێڵێکی یەدەگ کار دەکات.
ئاژانسی وزەی ئەتۆمیی نێودەوڵەتی لە بەیانامەیەکدا ڕایگەیاند، کە ببچڕانی هێڵی سەرەکی کارەبا لە وێستگەکە، مایەی نیگەرانییە و لەوانەیە زەرەر لە وێستگەکە بدات، کە ٦ کورەی ئەتۆمی هەیە و لە ئێستادا تەنیا یەک دانەیان ئیش دەکات.
بەگوێرەی کاربەدەستانی ئاژانسی نێودەوڵەتی وزەی ئەتۆمی، وێستگەی ئەتۆمی ئۆکراینا لە تۆڕی سەرەکی کارەبا دابڕاوە و لە ئێستادا بە هێڵێکی یەدەگ کار دەکات و گەورەترین وێستگەی ئەتۆمی لە ئەورووپا دوای ماوەیەکی کەم لە کۆتایی مانگی شوباتدا هێرشی کرایە سەر و لەلایەن سوپای ڕووسیا دەستی بەسەردا گیرا و هەر دوو وڵات ئەوی دیکەیان بە تێکدانی ئەو دامەزراوەیە تۆمەتبار دەکەن.