فراکسیۆنی پارتی: مووچەی یەکەی پاسەوانی دەستکاری دەکرێت

فراکسیۆنی پارتی لە پەرلەمانی کوردستان رایدەگەیێنێت ، ئێمه له‌ فراکسیۆنی پارتی به‌ وردی و جدی له‌گه‌ڵ به‌ڕێزان ، له‌ وه‌زارتی ناوخۆ و دارایی و یه‌که‌ی پاسه‌وانی له‌سه‌ر خه‌ت بووین بۆ ئه‌م مه‌به‌سته‌.

به‌ خۆشحاڵیه‌وه‌ ئێستا له‌لایه‌ن به‌ڕێز وه‌زیری ناوخۆ دڵنیاکراینه‌وه ‌که ‌مووچه‌ی یه‌که‌ی پاسه‌وانیش به‌پێی سیسته‌می نوێی مووچه‌ ده‌ستکاری ده‌کرێت.

روونکرده‌وه‌یه‌ک له‌ فراکسیۆنی پارتییه‌وه‌ ده‌رباره‌ی مووچه‌ی یه‌که‌ی پاسه‌وانی

به‌خۆشحاڵییه‌وه‌ دوای ئه‌وه‌ی حکومه‌ت توانی پێداچوونه‌وه‌ به‌ مووچه‌ی فه‌رمانبه‌ران بکات و سیسته‌مێکی تازه‌ی مووچه‌ی راگه‌یاند ، تا راده‌یه‌کی باش هه‌وڵدرا ، رێژه‌ی پاشه‌که‌وت که‌م بکاته‌وه‌ و مووچه‌ به‌رزبکاته‌وه‌.

به‌ڵام چه‌ند رۆژێکه‌ ناڕه‌زایه‌تییەکی ره‌وا ، له‌لایه‌ن به‌ڕێزان له‌ یه‌که‌ی پاسه‌وانی هه‌بوو که ‌، مووچه‌ی ئه‌وان ده‌ستکاری نه‌کراوه‌.

ئێمه له‌ فراکسیۆنی پارتی به‌ وردی و جدی له‌گه‌ڵ به‌ڕێزان ، له‌ وه‌زارتی ناوخۆ و دارایی و یه‌که‌ی پاسه‌وانی له‌سه‌ر خه‌ت بووین بۆ ئه‌م مه‌به‌سته‌.

به‌ خۆشحاڵیه‌وه‌ ئێستا له‌لایه‌ن به‌ڕێز وه‌زیری ناوخۆ دڵنیاکراینه‌وه ‌که ‌مووچه‌ی یه‌که‌ی پاسه‌وانیش به‌پێی سیسته‌می نوێی مووچه‌ ده‌ستکاری ده‌کرێت.

بۆیه وه‌ک فراکسیۆنی پارتی دڵنیاتان ده‌که‌ینه‌وە، هه‌میشه‌ پشتیوانی داوا ره‌واکانی ئێوه‌ و ته‌واوی فه‌رمانبه‌رانی کوردستان ده‌بین.

فراکسیۆنی پارتی دیموکراتی کوردستان

13-4-2018