Kurdistan
لەیلا گۆڤەن سزای ٢٢ ساڵ بەندکرانی بە سەردا سەپا
پەیامی کورد ... لەیلا گۆڤەن سزای ٢٢ ساڵ بەندکرانی بە سەردا سەپا
پەرلەمانتارێكی پێشووی هەدەپە لە لایەن دادگایەكی توركیاوە بەتۆمەتی ئەندامبون لە ڕێکخراوێکی تیرۆریستی و بانگەشەکردن بۆی بە ٢٢ ساڵ بەندکران حکوم درا.
دانیشتنێكی دیكەی دادگایی كردنی لەیلا گۆڤەن هاوسەرۆكی كۆنگرەی جڤاكی دیموكراتی كەجەدە لە دادگای تاوانە قورسەكانی ئامەد بەڕێوەچوو و لە دانیشتنەكەدا ١٨ تۆمەتی جیاواز رووبەڕووی هاوسەرۆکەکەی کەجەدە كرایەوە، هەرچەندە ناوبراو خۆی ئامادەی دانیشتنەكە نەبوو، دوو پارێزەری بەشداری دانیشتنەكەیان كرد.
دادگاكە بە تۆمەتی ئەندامبون لە ڕێکخراوێکی تیرۆریستی و بانگەشەکردن بۆی سزای ٢٢ ساڵ و سێ مانگ زیندانیکردنی بەسەر دا سەپاند.