سكرتێری گشتی نەتەوەیەكگرتووەكان هۆشداری لە دۆخی رۆژهەڵاتی ناوەڕاست دەدات

پەیامی کورد... سكرتێری گشتی نەتەوەیەكگرتووەكان هۆشداری لە دۆخی رۆژهەڵاتی ناوەڕاست دەدات


سكرتێری گشتی نەتەوە یەكگرتووەكان دەڵێت، رەوشی رۆژهەڵاتی ناوەڕاست بووەتە بەرمیلێك بارووت و لە هەر كات و ساتێكدا بێت زۆر بە خراپی دەتەقێتەوە. راشیگەیاند، ئۆپراسیۆنە سەربازییەكانی سوپای ئیسرائیل لە كەرتی غەززە دەبێتە هۆی وێرانكارییەكی بەرفراوان و كوشتنی خەڵكی بێتاوان بەشێوەیەك كە پێشتر وێنەی نەبووە.

ئەنتۆنیۆ گۆتێرێس، سكرتێری گشتی رێكخراوی نەتەوە یەكگرتووەكان لە راگەیەندراوێكدا لەبارەی شەڕی نێوان بزووتنەوەی حەماس و ئیسرائیل رایگەیاند، ئۆپراسیۆنە سەربازییەكانی سوپای ئیسرائیل لە كەرتی غەززە دەبێتە هۆی وێرانكارییەكی بەرفراوان و كوشتنی خەڵكی بێتاوان بەشێوەیەك كە پێشتر وێنەی نەبووە و لەئێستاشدا ئاگربەستێكی مرۆیی لەنێوان ئەو دوو لایەنە بەشەڕ هاتووە لە هەموو كاتێك پێویستترە بۆ گەیاندنی هاوكارییەكان و كارئاسانیكردن بە مەبەستی رزگاركردنی بارمتەكان.

وتیشی، بێبەشكردنی فەڵەستنین لە دروستكردنی دەوڵەت كە مافێكی رەوا و یاساییە، گرژی و ئاڵۆزییەكان بۆ ماوەیەكی زیاتر درێژ دەكاتەوە و دەبێتە هەڕەشەیەكی مەترسیدار لەسەر ئاسایش و ئارامی فەڵەستین و ئیسرائیلیش.

هۆشداریدا، لێكەوتەكانی ئەو شەڕە رۆژهەڵاتی ناوەڕاستی كردووەتە بەرمیلێك بارووت و لە هەر كات و ساتێكدا بێت زۆر بە خراپی دەتەقێتەوە.