نرخی دۆلار لە بازاڕەکانی هەریمی کوردستان دابەزی

پەیامی کورد... نرخی دۆلار لە بازاڕەکانی هەریمی کوردستان دابەزی

لەکاتی کردنەوەی بازاڕەکانی دراو لە هەرێم، ئەمڕۆ نرخی دۆلار بەرامبەر بە دیناری عێراقی زیاتر دابەزی و 100 دۆلار لەخوار 156 هەزار دینارەوە مامەڵەی پێوەدەکرێت.

ئەمڕۆ یەکشەممە17ی کانونی یەکەم، نرخی 100 دۆلار بەرامبەر بە 155 هەزار و 850 دیناری عێراقی لە بازاڕەکانی هەرێم مامەڵەی پێوەدەکرێت.

بانکی ناوەندی عێراق، ڕۆژانە بەمەبەستی بەرزکردنەوەی بەهای دینار بەرامبەر بە دۆلار بڕێکی زۆر دۆلار دەخاتەبازاڕەوە، دوێنێش شەممە16ی کانونی یەکەم، بانکی ناوەندی عێراق و شاندێکی بانکی فیدڕاڵی و وەزارەتی گەنجینەی ئەمریکا لە دوبەی کۆبوونەوە و رێککەوتن لەسەر ئەوەی، لەساڵی 2024دا ئەمریکا دۆلار بەبڕی پێویست دۆلار بۆ عێراق دابین بکات و بەپێی قسەی بەرپرسانی عێراق لە ئەنجامی ئەم پاڵپشتییەی ئەمریکا کە ڕایگەیاند، دۆلار بۆ ساڵی ئایندە لە عێراقدا بە هیچ شێوەیەک لە کۆنترۆڵ دەرناچێت و بە پێچەوانەوە بەهاکەی بەرامبەر بە دینار دادەبەزێت.