نرخی نەوت لە بازاڕەکانی جیهاندا

پەیامی کورد  ...  بە گوێرەی هەواڵی ئاژانسەكانی ئابووری لە جیهان بڵاویان كردەوە ئەمڕۆ یەکشەممە  ٢٧ی ٥ی ٢٠١٩  بەهۆی بەردەوامی ڕێكخراوی ووڵاتانی وەبەرهێنی نەوت (ئۆپیك) لە كەمكردنەوەی رێژەی وەبەرهێنان و هەناردەكردنی نەوت، نرخی نەوتی خاو لە بازارەكانی جیهاندا بەرزبوونەوەی تۆماركرد.
ئەمڕۆ دووشەممە،  لەمیانی بەردەوامی كەمكردنەوەی وەبەرهێنانەكانی نەوتی خاو لە لایەن ئۆپێك و بەردەوامی ململانی بازرگانی یەكانی ویلایەتە یەكگرتوەكانی ئەمریكا لەگەڵ چین، نرخی نەوتی خاو بەرزبوونەوەی تۆماركرد.

بەپێی هەواڵی  ئاژانسی ڕۆیتەرز ، نرخی نەوتی خاوی برێنت 41 سەنت  و بەڕێژەی لەسەدا 0.6 بەرزبوەتەوە و نرخی یەك بەرمیل لەو بەرهەمە كردوویەتیە 69.10 دۆلار لە كۆتا مامەڵەدا.
هاوكات نرخی یەک بەرمیل نەوتی خاوی تەکساسی رۆژئاوای ئەمریکا 10 سەنت و بەڕێژەی لەسەدا 0.2  بەرزبوەتەوە و نرخی یەك بەرمیل كردوویەتیە 58.73 دۆلار. 
هاوكات گرژیی و ئاڵۆزیەكانی ویلایەتە یەكگرتوەكان لەگەڵ هەریەك لە ئێران و ڤەنزۆێئلا كە لە ماوەی رابردوودا لە رێكخراوی ئۆپیك دوو ووڵاتی سەرەكی وەبەرهێنی نەوت بوون، لەگەڵ گرژیی و ئاڵۆزییەكانی ڕۆژهەڵاتی ناوەڕاست بە گشتی هۆكارێكی سەرەكی هەڵكشان و داكشانی نرخی نەوت-ە  لە جیهاندا.