Cîhan
بە هۆی تەقینەوەی تەلەفۆن لە هێندووستان سێ کەس بریندار بوون
پەیامی کورد ... بە هۆی تەقینەوەی تەلەفۆن لە هێندووستان سێ کەس بریندار بوون
بەهۆی تەقینەوەی مۆبایلێکی شەحن کراوەوە، سێ کەسی هێندی لە ماڵەکەیاندا برینداربوون. تەقینەوەکە کە بەهۆی ئەم ڕووداوەوە دروست بوو، ئەوەندە تووند بوو تەنانەت پەنجەرەی ئۆتۆمبێلەکانی دەرەوەی ماڵەکەی شکاند.
ناوی مۆبایلەکە لە ڕاپۆرتە بڵاوکراوەکاندا ئاماژەی پێنەکراوە، بەڵام بەتەنها ئەم ئامێرە هۆکاری زیانەکانی نەبووە. لە ڕاستیدا دوای تەقینەوەی ئەم مۆبایلە، ئەو سپرای بۆنخۆشکەرەی کە لە نزیکەوە هەڵکەوتبوو، بەهەمان شێوە تەقیەوە، ئەمەش بووە هۆی ئەوەی کە توندی تەقینەوەکە زیاتر بێت.