بۆچی لە تورکیا بەفر دەبارێت بەڵام لە ئێران نا؟
پەیامی کورد ... بۆچی لە تورکیا بەفر دەبارێت بەڵام لە ئێران نا؟
سەرۆکی ڕێکخراوی کەشناسی ئێران لە هەواڵێکدا ڕایگەیاند : سەبارەت بە وەرزی زستان، باران بارین لە ئاستی ئاسایی کەمترە، بەڵام بە لەبەرچاوگرتنی ڕووداوەکانی بواری گۆڕانی کەش و هەوا، دەبێت سیناریۆی ڕەشبینانە لەبەرچاو بگرین، تەنانەت ئەگەر زستانێکی باران ئاویشمان هەبێت، سەرچاوە ئاوییەکانی ووڵات نابن بەهۆی باران بارینەوە قەرەبوو بکرێتەوە.
سەبارەت بە هۆکاری زۆری بارانبارین لە تورکیا (ناوچەکانی هاوسنووری ئێران) و نەبارینی باران لە هەمان ناوچەکانی ناوخۆی ووڵات و ئەگەری پیتاندنی هەور، ووتی : پیتاندنی هەور پرسێکی زانستییە کە دەتوانرێت ئەنجام بدرێت و لێکۆڵینەوەی لەسەر بکرێت.
لە هەندێک ناوچەدا زیادبوونی بارانبارین لەگەڵ پیتاندنی هەورەکاندا ئەزموون کراوە، بەڵام ڕێکخراوی کەشناسی جیهانی پێشنیاری پیتاندنی هەورەکانی وەک چارەسەرێکی ئۆپراسیۆنی نەکردووە بۆ چارەسەرکردنی کێشەی ووشکەساڵی.