یەکەم حاڵەتی جۆری دووەمی کۆرۆنا لە فەڕانسا تۆمار کرا
پەیامی کورد ... یەکەم حاڵەتی جۆری دووەمی کۆرۆنا لە فەڕانسا تۆمار کرا
وڵاتی فەرەنسا یەكەم حاڵەتی نوێی توشبوون بە جۆری دووەمی كۆرۆنای راگەیاند و بەرپرسانی تەندروستی ئەو وڵاتەش هۆشداری دەدەنە هاوڵاتیان .
بەپێی هەواڵێكی ئاژانسی هەواڵی (بی بی سی)، وەزارەتی تەندروستی فەڕەنسا یەكەم حاڵەتی نوێی توشبوونی بە جۆری دووەمی كۆرۆنا راگەیاندووە و ئاماژەی بەوەشكردووە، هاوڵاتییەكە خەڵكی فەرەنسایە و نیشتەجێی بەریتانیا بووە، بەڵام پاش گەرانەوەی بۆ فەڕەنسا، لە ٢١ی كانوونی یەكەم پشكنینی ئەنجام داوە و دەركەوتووە هەڵگری ڤایرۆسەكەیە، وەزارەتی تەندروستی فەڕەنسا روونیكردۆتەوە دۆخی تەندروستی نەخۆشەكەش جێگیر بووە.
جۆری دووەمی ڤایرۆسی كۆرۆنا لە باشوور و باشووری خۆرئاوای بەریتانیا لە سەرەتای مانگی ئەیلولەوە سەریهەڵدا و لە ناوەڕاستی كانوونی یەكەم چەند حاڵەتێكی نوێ تۆماركران، بەڵام هەتا ئێستا ڕوون نییە كاریگەرییەكانی بەهێزترن لە جۆری یەكەم یاخود نا.
هاوكات، وەك خۆپارێزییەك و ڕێگری كردن لە زیاتر تەشەنەسەندنی ڤایرۆسەكە، زیاتر لە 40 وڵاتی جیهان سەرجەم گەشتە ئاسمانییەكانیان بە چوون و هاتنەوە لەگەڵ بەریتانیادا راگرت.