دهۆک؛ له‌ ڕووداوێكی هاتووچۆدا 5 كه‌س گیانیان له‌ده‌ست دا

 بەهۆی ڕووداوێکی سەختی هاتووچۆ، پێنج کەس لە سەر ڕێگەی قەزای بەردەڕەش گیانیان لەدەستدا.

ئەمڕۆ چوارشەممە 28ی شوباتی 2024، ئازاد تەها وتەبێژی هاتووچۆی پارێزگای دهۆک ڕایگەیاند، کاتژمێر 10:45 خولەکی بەیانی ئەمڕۆ چوارشەممە، ڕووداوێکی هاتووچۆ لە نێوان ئۆپترایەکی تایبەت و تانکەرێک ڕوویدا.

ئاماژەی بەوەشکردوە، ڕووداوەکە لە سەر ڕێگەی سەرەکی بەردەڕەش - کەلەک ڕوویداوە و بە هۆیەوە پێنج کەس کە سێ ژن و منداڵێک و پیاوێکن، گیانیان لەدەستداوە.