بەپەلە ... + ڤیدیۆ ... بنەماڵەیەکی هەولێری لە مێرسین لە لایەن ڕەگەزپەرەستانی تورک ەوە بە تووندی بریندار دەکرێن
پەیامی کورد ... بنەماڵەیەکی هەولێری لە مێرسین لە لایەن ڕەگەزپەرەستانی تورک ەوە بە تووندی بریندار دەکرێن .
بە گویرەی زانیارییەکان و هەروەها ئەو گرتە ڤیدیۆیەی کە بلاو کراوەتەوە لە شاری مێرسین ڕەگەزپەرستێکی تورکی هێرش دەکاتە سەر بنەماڵەیەکی گەشتیاری هەولێری و سەرپەرشتی ئەو بنەماڵەیە بە تووندی بریندار دەکات .
بە پێی زانیارییەکان ڕۆژی پێنجشەممە دوای نیوەڕۆ کاتژمێر ١٦:٠٠ لە ووڵاتی تورکیا لە شاری مێرسین شارۆچکەی بۆزیازی ڕەگەزپەرەستێکی تورک هێرش دەکاتە سەر بنەماڵەیەکی کورد ی هەولێری و دوو کەس لە ئەندامانی ئەو بنەماڵەیە بە تووندی بریندار بوونە کە دۆخی تەندرووستی یەکێکیان زۆر ئەستەمە و نالەبارە .
.بە گویرەی زانیارییەکان شاهێدحاڵێکی ئەم ڕووداوە بە ناوی جیهان کۆتڵووک ڕایگەیاند کە کۆمەڵێک لە ڕەگەزپەرەستانی تورک کە ٤ کەس بوونە دەهاتنە پێش ئۆتۆمبێلی ئەو بنەماڵە کوردە کە خەڵکی هەولێر ن کە بە بۆنەی جەژنی ڕەمەزان ەوە سەردانی تورکیایان کردبوو و دواتر بە تووندی هێرش کرایە سەریان و کوڕێکی ١٢ ساڵان و ژن و مێردی ئەو بنەماڵەیە و لەم نێوەندەدا سەرۆک خێزانەکە زۆر بە گرانی بریندار دەکرێت کە بە بەرد هێرشیان کردووەتە سەری .
جیهان کۆتڵووک هەروەها دەڵێ ئەو کاتەی کە ڕەگەزپەرەستەکان هێرشیان کردە سەر ئەو بنەماڵەیە قسەی ناشیرین و درووشمی خراپ لە سەر کورد دەدەن و گاڵتەی خۆیان پێ دەکەن و دواتر نیشانەی خۆیان گۆرگی بۆز کە نیشانەی تورکە فاشییەکان بەرزی دەکەنەوە
جیهان کۆتڵووک ی شایەتحاڵ هەورەها ووتی : دواتر ئێمە بنەماڵە کوردەکەمان گەیاندە لای دەزگاکانی ئاسایش ، هەروەها بانگهێشتی تیمەکانی فریاکەوتن کرا بۆ ئەوەی کە سەرۆک خێزان کە بە تووندی بریندار کرابوو لە نەخۆشخانە چارەسەری بۆ بکرێت .