وردەکاری هێرشەکەی سەر کەمپی مەخموور لەلایەن دژە تیرۆری کوردستانەوە

پەیامی کورد... وردەکاری هێرشەکەی سەر کەمپی مەخموور لەلایەن دژە تیرۆری کوردستانەوە

دژەتیرۆری کوردستان لە ڕاگەیاندراوێکدا ئاماژە بەوە دەدات، لە مەخموور فڕۆکەی بێفڕۆکەوانی سوپای تورکیا، بارەگایەکی چەکدارانی پەکەکە دەکاتە ئامانج و زیانی گیانیی لێ دەکەوێتەوە.

ئەمڕۆ سێشەممە ٥/٧/٢٠٢٢، پەیجی فەرمیی دژەتیرۆری کوردستان، لە تۆڕی کۆمەڵایەتیی (فەیسبووک) ڕاگەیاندراوێکی لەبارەی بۆردوومانەکەی مەخموور بڵاو کردەوە و تێیدا هاتووە: "بەگوێرەی زانیارییەکانی دژەتیرۆری کوردستان، ئەمڕۆ سێشەممە، کاتژمێر ١٢: ٣٠ی پاشنیوەڕۆ، فڕۆکەی بێفڕۆکەوانی سوپای تورکیا بۆردوومانی بارەگایەکی چەکدارانی پەکەکەی لە کەمپی مەخموور کرد".

لە ڕاگەیاندراوەکەدا ئەوەش خراوەتە ڕوو، بەگوێرەی زانیارییەکان، زیانی گیانی و ماددیی لێ کەوتووەتەوە.