١٥ تووشبووی کۆرۆنا لە هەرێمی کوردستان گیانیان لە دەست دا
پەیامی کورد ... ١٥ تووشبووی کۆرۆنا لە هەرێمی کوردستان گیانیان لە دەست دا
وەزارەتی تەندروستیی هەرێمی کوردستان رایگەیاند، لە ماوەی ٢٤ کاتژمێری رابردوودا هەزار و ٧٨ حاڵەتی نوێی توشبوون بە کۆرۆنا تۆمارکراوە.
ئەمڕۆ چوارشەممە ٢١ی تەشرینی یەکەم، وەزارەتی تەندروستیی هەرێمی کوردستان رایگەیاند، لەماوەی ٢٤ کاتژمێری رابردوودا، هەزار و ٧٨ حاڵەتی نوێی توشبوون بە ڤایرۆسی کۆرۆنا تۆمارکراوە، کە ٤٢٢ حالەت لە هەولێر، ١٠٠ حالەت لە سلێمانی، ٢٤ حالەت لە گەرمیان، ٢٤ حالەت راپەڕین، ٣٧ حالەت لە هەڵەبجە و ٤٧١ حالەت لە دهۆک بووە.
هەروەها، ٣٧٥ تووشبووی پەتای کۆرۆنا چاکبوونەتەوە، بە جۆرێک کە ١٤٣ حالەت لە هەولێر، ٣٣ حالەت لە سلێمانی، ٢٩ حالەت لە گەرمیان، ٢١ حالەت لە هەڵەبجە و ١٤٩ حالەت لە دهۆک بووە.
بە پێی ڕاگەیەندراوەکە لە ماوەی شەو و ڕۆژی ڕابردوودا ١٥ حاڵەتی گیان لەدەستدان بە نەخۆشییەکە تۆمارکراوە. سێ حالەتی مردن لە سلێمانی، پێنج حالەت لە دهۆک، پێنج حالەت لە هەولێر و دوو حالەت لە هەڵەبجە تۆمار کراوە.