دوو هاووڵاتیی مەهابادی دەستبەسەر کران

پەیامی کورد... دوو هاووڵاتیی مەهابادی دەستبەسەر کران

دوو هاووڵاتیی خەڵکی گوندی لەج سەر بە شاری مەهاباد بە ناوەکانی تاهیر کەتانی تەمەن ٤٣ ساڵ و ئەمیر بابۆلی تەمەن ٤٠ ساڵ بەرەبەیانی ڕۆژی شەممە ١٦ی تەمووزی ٢٧٢٢ لەلایەن هێزەکانی ئیتلاعاتی سوپای مەهاباد دەستبەسەر و بۆ شوێنێکی نادیار گوازرانەوە.

بەگوێرەی ڕاپۆرتێکی ڕێکخراوی مافی مرۆڤی هەنگاو، هێزەکانی ئیتلاعاتی سوپا کاتژمێر ٦ی بەرەبەیان هەڵیانکوتاوەتە سەر ماڵی ئەم دوو کەسە و بەبێ پیشاندانی بەڵگەی دادوەری ئەو دوو کەسەیان دەستبەسەر کردووە و ماڵەکانیشیانیان پشکنیوە.

هەتا کاتی ئامادە کردنی ئەم هەواڵە، زانیارییەکی ورد لە سەر هۆکاری دەستبەسەرکرانی تاهیر کەتانی و ئەمیر بابۆلی و هەروەها چارەنووس و شوێنی ڕاگیرانیان لە بەر دەستدا نییە.