سەرۆکی حکومەتی هەرێمی کوردستان پێشوازی لە باڵیۆزی ئیسپانیا دەکات

پەیامی کورد       ...     سەرۆکی حکومەتی هەرێمی کوردستان پێشوازی لە باڵیۆزی ئیسپانیا دەکات

مەسروور بارزانی رایگەیاند، کابینەی نۆیەمی حکوومەتی هەرێمی کوردستان گرنگییەکی زۆر بە هەمەجۆرکردنی ئابووری و بەتایبەتی پێشخستنی کەرتی کشتوکاڵ دەدات.

ئەمڕۆ سێشەممە 22-9-2020 مەسروور بارزانی، سەرۆکی حکوومەتی هەرێمی کوردستان پێشوازی لە خوان خۆزێ ئیسکۆبار، باڵیۆزی شانشینی ئیسپانیا لە عێراق كرد و لە دیدارەکەدا پەرەپێدانی پەیوەندییەکانی نێوان ئێسپانیا و هەرێمی کوردستان تاوتوێ کرا.

باڵیۆزی ئیسپانیا ئامادەیی ووڵاتەکەی بۆ گەشەپێدانی پەیوەندییە بازرگانییەکان و هاندانی وەبەرهێنانی ئیسپانی لە هەرێمی کوردستان دەربڕی.

سەرۆکی حکوومەتیش ئاماژەی بەوەدا؛ کابینەی نۆیەمی حکوومەتی هەرێمی کوردستان، گرنگییەکی زۆر بە هەمەجۆرکردنی ئابووری و بەتایبەتی پێشخستنی کەرتی کشتوکاڵ دەدات و، ئاسانکاری پێویست پێشکەشی وەبەرهێنەرانی ناوخۆ و بیانی دەکات.