دواهەمین زانیاری ئاماری تووشبووانی ڤیرووسی کۆرۆنا لە سەر ئاستی جیهان

پەیامی کورد      ...    دواهەمین زانیاری ئاماری تووشبووانی ڤیرووسی کۆرۆنا لە سەر ئاستی جیهان

لە ماوەی ٢٤ کاتژمێری رابردوودا ژمارەی تووشبوانی کۆرۆنا ٢١٧ هەزار کەسی تێپەڕاند و کۆی تووشبوانی پەتاکە لە جیهان گەیشتە ٢٥ ملیۆن و ٣٨٧ هەزار کەس، لەسەر ئاستی جیهان ئەمریکا، لەسەر ئاستی ئەورووپا ئیسپانیا و لە رۆژهەڵاتی ناوەڕاستیش ئێران زۆرترین تووشبووی پەتاکەیان تێدا تۆمارکراون.

بە گوێرەی ئامارە جیهانییەکان تێکڕای تووشبوانی کۆرۆنا تاوەکو بەرەبەیانی ئەمڕۆ دووشەممە گەیشتوەتە ٢٥ ملیۆن و ٣٨٧ هەزار و ٣٣٠ کەس، لەو ژمارەیەش ١٧ ملیۆن و ٧٠٩ هەزار و ٣٣١ تووشبوو چاکبوونەتەوە و ٨٥٠ هەزار  و ٦٠٠ تووشبووش گیانیان لەدەستداوە.

لەسەر ئاستی ووڵاتانی جیهان، ولایەتە یەكگرتوەكانی ئەمریكا لە پلەی یەكەم دێت كە تیایدا شەش ملیۆن و ١٧٣ هەزارو ٢٣٦ كەس تووشی كۆرۆنا بوون، بەڕازیل بە تۆمارکردنی سێ ملیۆن و ٨٦٢ هەزار و ٣١١ بە پلەی دوەم و هیندستانیش بە تۆمارکردنی سێ ملیۆن و ٦٢١ هەزار و ٢٤٥ کەس لەسەر ئاستی جیهان بە پلەی سێیەم دێت لە ڕووی بەرزی ژمارەی تووشبوانەوە.

لەسەر ئاستی ووڵاتانی دوورگەی ئەفریقیا، ووڵاتی ئەفریقیای باشوور بە پلەی یەکەم دێت و ٦٢٥ هەزار و ٥٦ تووشبووی تێدا تۆمارکراوە، لەسەر ئاستی ووڵاتانی رۆژهەڵاتی ناوەڕاست ئێران بە تۆمارکردنی ٣٧٣ هەزار و ٥٧٠ تووشبووی کۆرۆنا زۆرترین کاریگەریی ئەو پەتایەی تێدا دەرکەوتوە، لەسەر ئاستی ووڵاتانی ئەورووپاییش ئیسپانیا بە پلەی یەکەم دێت لە ڕووی بەرزی ژمارەی تووشبوان و تا ئێستا ٤٥٥ هەزار و ٦٢١ تووشبوو لە ووڵاتەدا تۆمارکراون.