لاوێکی خەڵکی پیرانشار ناوی لەنێوان بلیمەتانی جیهاندا تۆمار کرا

پەیامی کورد... لاوێکی خەڵکی پیرانشار ناوی لەنێوان بلیمەتانی جیهاندا تۆمار کرا

"ڕەوان بەخشی" لاوێکی کوردی خەڵکی پیرانشار سەر بە پارێزگای ورمێ بڕوانامەی نێونەتەوەیی "زانست - دەمار"ی لە زانکۆی "هاروارد"ی ئەمریکا بۆ خۆی مسۆگەر کرد و ناوی لەنێو بلیمەتانی جیهاندا تۆمار کرا.

ناوبراو خوێندکاری باڵای "دەمارناسی" و لێکۆڵەر لە بەشی "نۆرۆساینس - پێکهاتەی مێشک" لە ناوەندی لێکۆڵینەوەی "تەندروستی و دەروون" لە وڵاتی کەنەدایە.

"ڕەوان بەخشی" پێشتریش چوار بڕوانامەی نێونەتەوەیی بە زمانی ئینگلیزی لە بواری "دەروون دەرمانی" لە بەشەکانی "خەمۆکی، وازهێنان لە مادە سڕکەرەکان و خۆکوژی و..." لە ڕێکخراوی دەروونناسانی APAی وڵاتی ئەمریکا وەرگرتووە.

زانکۆی "هاروارد"ی ئەمریکا یەکێک لە زانکۆ بەناوبانگەکانی جیهانە.