تورکیا بڕیاری مانەوەی هێزەکانی لە عێراق و سوریا درێژ کردەوە

پەیامی کورد ... تورکیا بڕیاری مانەوەی هێزەکانی لە عێراق و سوریا درێژ کردەوە

ڕۆژی چوارشه‌ممه‌ ٧ی تشرینی یه‌كه‌می ٢٠٢٠، په‌رله‌مانی توركیا بڕیاریدا به‌ درێژكردنه‌وه‌ی ماوه‌ی مانه‌وه‌ی هێزه‌ سه‌ربازییه‌كانی سوپای وڵاته‌كه‌ی له‌ عیراق و سوریا بۆ ساڵێكی دیكه‌.

له‌ بڕیاره‌كه‌ی په‌رله‌مانی توركیادا هاتووه‌ "به‌كارهێنانی هێزه‌ چه‌كداره‌كانی توركیا له‌ عیراق و سوریا بۆ مانگی تشرینی یه‌كه‌می ٢٠٢١ درێژ ده‌كرێته‌وه‌".

ئه‌مه‌ش شه‌شه‌م جاره‌ كه‌ په‌رله‌مانی توركیا بڕیار له‌سه‌ر دریژكردنه‌وه‌ی ماوه‌ی مانه‌وه‌ی هێزه‌ چه‌كداره‌كانی سوپای وڵاته‌كه‌ی له‌ ده‌ره‌وه‌ ده‌دات به‌تایبه‌ت بۆ عیراق.