ڕەخنەی تووندی باڵیۆزی ئێران لە ڕووسیا سەبارەت بە مێکانیزمی ماشە

پەیامی کورد    ...   ڕەخنەی تووندی باڵیۆزی ئێران لە ڕووسیا سەبارەت بە مێکانیزمی ماشە

باڵیۆزی ئێران لە ڕووسیا جگە لە ڕەخنە گرتن لە میکانیزمی ماشە ، سەبارەت بە ئینستێکس ، ڕایگەیاند : تاکوو ئیستا هیچ مامەڵەیەک لەم ڕێگایەوە ئەنجام نەدراوە

بە پێی ڕاپۆرتێک ، کازم جەلالی ، باڵیۆزی ئێران لە فێدراسیۆنی ڕووسیا ڕایگەیاند : تاران مێکانیزمی حەل و چارەسەری کێشە و گرفتەکان لە بەرجام دا ناعادیلانە هەژمار دەکات .

ئەو هەروەها ووتی : ئێمە لەو باوەڕەداین ئەمە هەوڵێکی ناعادیلانەیە . کاتێک ویلایەتەیەکگرتووەکان لە بەرجام دەرچوو ، ئێمە لەگەڵ بەرپرسانی سیاسەتەکانی دەرەوەی ئەورووپا ووتووێژمان کرد کە میکانیزمی حەل و چارەسەری کێشە و گرفتەکانی بەرجام دەبێ چالاک بکرێتەوە ، بەڵام ئەوان بە قسەکانی ئێمە گوێیان نەدا

جەلالی هەروەها جەختی کردەوە کە ئێران هیوادارە کە ووڵاتانی ئەورووپایی سەرەڕای ڕێک خستنی میکانیزمی ماشە بە ڕێکەوتنەکانی خۆیان پابەند بن .

باڵیۆزی ئێران لە ڕووسیا هەروەها ووتی : ووڵاتانی ئەورووپایی ئەندامی بەرجام تاکوو ئێستا هێج هەوڵێکیان لە ڕاستای بەدیهاتنی ڕێکەوتنەکانیان لە بەرامبەر ڕێکەوتنە ئەتۆمییەکە ئەنجام نەداوە .

کازم جەلالی جەختی کردەوە کە ئەوان لە درووست کردنی میکانیزمی ئینستێکس هەواڵیان دا بەڵام هیچ مامەڵەیەک لەم چوارچێوەیەدا ئەنجام نەدراوە .