پارەی بەڵێندەران مانگی داهاتوو خەرج دەکرێت

پەیامی کورد     ...   بڕیارە لە ناوەڕاستی مانگی داھاتوودا حكوومەتی ھەرێمی كوردستان پارەیەكی زۆر بۆ بەڵێندەران خەرج بكات، بەرپرسێكی یەکیتی بەڵێندەرانیش گەشبینە لە ساڵی نوێدا ھەلی كار بۆ ھاووڵاتیان و بەڵێندەرانیش زیاتر بێت.

سەرۆ دزەیی، سەرۆكی لقی ھەولێری یەکیتی بەڵێندەرانی كوردستان رایگەیاند: "لە ناوەڕاستی مانگی داھاتوودا حكوومەتی ھەرێمی كوردستان پارەیەكی زۆری بەڵێندەران خەرج دەكات، پارەكەش بە دوو شێوە دەبێت، ئەو پڕۆژانەی ٨٥%ی تەواو بوونە، پارەیان بۆ خەرج دەكرێت لەگەڵ ژمارەیەك پڕۆژەی بەردەوام وەك رێگاوبان و درووستكردنی سایلۆ".

بەرپرسەكەی بەڵێندەران دەشڵێت: "ئێمە لای خۆمانەوە داوای خەرجكردنی قەرزی پێشترمان كردبوو و بڕیارە ئەوەش بەشێكی خەرج بكرێت و لە ئایندەیەكی نزیكدا فەرمانی خەرجكردنی پارەكە دەدرێت، بەڵام نازانین چەندە".