سەرۆكی پەرلەمان: کۆبوونەوەی داهاتوومان لەبارەی لێبڕینی مووچە دەبێت

پەیامی کورد … سەرۆكی پەرلەمان: کۆبوونەوەی داهاتوومان لەبارەی لێبڕینی مووچە دەبێت

سەرۆکی پەرلەمانی کوردستان ڕایدەگەیەنێت،"پەرلەمانی کوردستان کۆنابێتەوە تاوەکو کۆبوونەوەی داهاتوو لەبارەی بودجە و مووچە نەبێت".

ئەمڕۆ دووشەممە ١٤ی حوزەیرانی ٢٠٢١،  د.رێواز فایەق، سەرۆکی پەرلەمانی کوردستان ڕایگەیاند،" کۆبوونەوەی داهاتوو لە بارەی پرسی بودجە و مووچەی مووچەخۆرانی هەرێمی کوردستان دەبێت".

ڕاشیگەیاند، ''ئەمساڵ پشووی هاوینەی پەرلەمان نییە." 

جێگەی باسە، سەرۆكی پەرلەمان وادەی كۆبوونەوەی داهاتووی دیارینەكردووە، بەڵام بەپێی زانیارییەكان ئێستا ئامادەکاریی بۆ دانیشتنەکە دەکەن".