پەرلەمانی ئەورووپا داوای لە یەکیتی ئەورووپا کرد کە دژایەتی پلانەکەی ترامپ بۆ ئۆکراین نەکات

پەیامی کورد   ...   پەرلەمانی ئەورووپا داوای لە یەکیتی ئەورووپا کرد کە دژایەتی پلانەکەی ترامپ بۆ ئۆکراین نەکات

🔸نابێت یەکیتی ئەورووپا دژایەتی پلانی ئەمریکا بکات بۆ چارەسەرکردنی دۆخی ئۆکراین، چوونکە پشتیوانی ئەورووپا بۆ کیێڤ هیچ ئەنجامێکی نەبووە. ئەمە لەلایەن فیدیاس پانایۆتۆ، ئەندامی قوبرسی لە پەرلەمانی ئەورووپا ڕاگەیەندرا.

🔸 "پلانی ئاشتی ترامپ بۆ ئۆکراین باشترین کاتە بۆ ئێمە بۆ دانووستان. من دەڵێم کە پێویستە دانووستان بکەین چوونکە لە ڕاستی دا ئێمە لە بەرەکانی شەڕدا دۆڕاوین و ئەمەش کاریگەری لەسەر یەکیتی ئەورووپا هەیە لە زۆر ڕووەوە". پانایۆتۆ گرتەیەکی ڤیدیۆیی ووتارەکەی لە تۆڕی کۆمەڵایەتی ئێکس بڵاوکردەوە.

🔸ئاماژەی بەوەش کرد، یەکیتی ئەورووپا ماوەی سێ ساڵە هەمان ڕێباز پەیڕەو دەکات و سزا بەسەر ڕووسیادا دەسەپێنێت و چەک بۆ ئۆکراین دەنێرێت و بە پارەی هاووڵاتیانی ئەورووپی پارەی بۆ دابین دەکات.

🔸"وە ئەنجامەکەی چییە؟ ... پەرلەمانتاری پەرلەمانی ئەورووپا ووتی : ئێمە لە بەرەکانی شەڕدا دۆڕاوین"،.

🔸 پانایۆتو ووتی کە بە بۆچوونی ئەو ئۆکراینییەکانیش دەیانەوێت ململانێیەکان کۆتایی پێ بێت. ئاماژەی بەوەش کرد، ئەو پلانەی بۆ یەکیتی ئەورووپا بە "باش" نازانێت، بەڵام هیچ بەدیلێکی بۆ ئەو پلانە نەبینیوە.

🔸پەرلەمانتاری پەرلەمانی ئەورووپا لە کۆتایی دا دەڵێت: "با زیرەک بین. با زیانەکانمان سنووردار بکەین... ئێمە بەو هاوکارییەی کە ئەمریکییەکان بەخشیان، سەرکەوتنمان بەدەست نەهێنا، ئێستا کە تەنها ئەورووپییەکان پشتگیری دەکەن و پارەی چەکی ئەمریکی دەدەن، پێت وایە ئێمە سەردەکەوین؟"