ژاپۆن لەگەڵ پەرەسەندنی هەنگاوە سەربازییەکان دژی چین داوای پشتیوانی ئەمریکا دەکات

پەیامی کورد    ...    ژاپۆن لەگەڵ پەرەسەندنی هەنگاوە سەربازییەکان دژی چین داوای پشتیوانی ئەمریکا دەکات

🔸 بەرپرسانی ژاپۆن پێیان وایە ئەمریکا پشتیوانی پێویستی نیشان نەداوە دوای ئەوەی سەرۆکوەزیرانی ژاپۆن سانای تاکایچی ڕایگەیاند کە "هێرش"ی چینی بۆ سەر تایوان دەبێتە هۆی دەستێوەردانی سەربازی ژاپۆن. شیگیۆ یامادا باڵیۆزی ژاپۆن لە واشینتۆن داوای لە ئیدارەی ترامپ کردووە پشتیوانی گشتی خۆی زیاد بکات، بەپێی ئەو کەسانەی کە ئاگادارن لە دانوستانەکان.

🔸 دوایین گرژییەکانی نێوان چین و ژاپۆن دوای ئەوە دەستی پێکرد کە تاکایچی لە ٧ی ئەم مانگە بە پەرلەمانی ڕاگەیاندووە، ئەگەر کەشتییە جەنگییەکان لە ململانێیەکی گریمانەیی بەسەر تایواندا بەکاربهێنرێن و گەمارۆی دەریایی بەکارهێنانی هێزی تێدابێت، ئەوە دۆخێک دروست دەکات کە مەترسی لەسەر مانەوەی ژاپۆن درووست بکات، بەپێی هەواڵێکی ڕۆژنامەی فاینانشیاڵ تایمز.

🔸 چین کاردانەوەی تووندی بەرامبەر بەو قسانە نیشاندا و ژاپۆنیشی بیرخستەوە کە تایوان بەشێکی بێبەش نەکراوی چینە. ئەم کێشەیە بووە هۆی دواخستنی لووتکەی سێ قۆڵی ژاپۆن-چین-کۆریای باشوور کە لە سەرەتادا بڕیار بوو لە مانگی کانوونی دووەم دا بەڕێوەبچێت، بۆ ماوەیەکی نادیار.

🔸 ترامپ لای خۆیەوە ئامۆژگاری ژاپۆنی کرد کە چین لەسەر تایوان ئیستفزازی نەکات. ئەمریکا لەم دوایی یانەدا پەیوەندییەکانی لەگەڵ پەکین پتەوتر کردووە دوای ئەوەی ترامپ و شی جین پینگ یەکتریان بینی - و پێناچێت ئێستا مەترسی لەناوبردنی لێک تێگەیشتنەکە بکات.