سوپای ئیسرائیل شەپۆلێکی دیکەی هێرشی ئاسمانی کردە سەر ئێران
پەیامی کورد ... سوپای ئیسرائیل شەپۆلێکی دیکەی هێرشی ئاسمانی کردە سەر ئێران
سوپای ئیسرائیل ڕایگەیاند، هێزە ئاسمانییەکانیان قۆناغێکی دیکەی هێرشە بەرفراوانەکانیان بۆ سەر ئێران دەست پێکردووە و چەندین ئامانجی ستراتیژییان لەناو جەرگەی شاری تاران پایتەختی ئەو ووڵاتە پێکاوە.
ڕۆژی دووشەممە، سوپای ئیسرائیل (IDF) لە ڕاگەێندراوێکدا ئاشکرای کرد، لەژێر ڕێنمایی و چاودێری ووردی دەزگای هەواڵگری سەربازی، فڕۆکە جەنگییەکانیان شەپۆلێکی دیکەی هێرشیان بۆ سەر بنکە و دامەزراوەکانی ئێران دەستپێکردووە.
ئاماژەی بەوەش کردووە هێرشەکان بە شێوەیەکی بەرفراوان و چڕ"ئەنجام دەدرێن.
لە نوێترین پەرەسەندنی مەیدانی دا، سوپای ئیسرائیل جەختی لەوە کردەوە کە ئەم شەپۆلە نوێیەی هێرشەکان راستەوخۆ تارانی کردووەتە ئامانج و ڕایگەیاندووە کە پرۆسە سەربازییەکانیان بەردەوامییان دەبێت.
کەناڵ ١٤ی ئیسرائیلی لەوبارەوە بڵاوی کردووەتەوە، هێزە ئاسمانییەکانی ووڵاتەکەی ٧ شاری گەورەی لە ئێران کردووەتە ئامانج.
هەواڵە گرنگەکان
هێشتا لێدوان نییە. یەکەمین لێدوان بنووسە!
لێدوانی خۆت بنووسە