دانوستان نێوان دیمەشق و قامیشلۆ ئەنجام دەدرێت

پەیامی کورد- دیمەشق
بەپێی سەرچاوەخۆجییەکان لە دیمەشق، "بەم زووانە" خولێکی نوێی دانوستان لە نێوان حکومەتی کاتی سوریا و هێزەکانی سوریای دیموکرات (هەسەدە) بۆ تاوتوێکردنی جێبەجێکردنی ڕێککەوتنی ١٠ی ئازار ئەنجام دەدرێت.
لە کۆبوونەوەکەدا تۆم باراک، نوێنەری دۆناڵد ترەمپ، سەرۆکی ئەمریکا بۆ سوریا ئامادە دەبێت و پێدەچێت دەریاوان براد کوپەر، فەرماندەی فەرماندەیی ناوەندیی ئەمریکا، کە هاوکات سەرپەرشتی دانوستانەکانی نێوان دیمەشق و قامیشلۆ دەکات، ئامادەبێت.
یەکێک لەو سەرچاوانەی کە پەیامی کورد قسەی لەگەڵ کردووە ئاماژەی بەوە کردووە کە "ئەمریکا بەردەوامە لە کارکردن لە نزیکەوە بۆ دڵنیابوون لە تەواوکردنی سەرکەوتووانەی پرۆسەی یەکگرتن".
لەماوەی ڕابردوودا هێزەکانی سوریای دیموکرات، لیستی ناوی فەرماندەکانی ئەو فیرقە سەربازییانەی پێشکەش بە هاوپەیمانی نێودەوڵەتی کرد کە دەخرێنە ناو سوپای سوریا و لیوا تایبەتەکانی سوریاوە، هەروەها نوێنەرانی هێزەکانی سوپای سوریا لە چوارچێوەی وەزارەتی بەرگری و ئەرکانی گشتی سوریا.
لە میانەی سەردانەکەیدا بۆ کۆشکی سپی، ئەحمەد شەرع، سەرۆکی سوریا لەگەڵ ترەمپ باسی بەرەوپێشچوونی ڕێککەوتنەکەی لەگەڵ ژەنەڕاڵ مەزلوم عەبدی، فەرماندەی گشتیی هێزەکانی سوریای دیموکرات کرد.